O Colexio de Médicos cualifica de “improcedente” o cese da médica de Vigo por criticar á Xunta

Urxencias do hospital Álvaro Cunqueiro © Miguel Núñez

O Colexio oficial de Médicos da provincia de Pontevedra criticou o cesamento da xefa de sección de Cirurxía Plástica, Estética e Reparadora do Complexo Hospitalario Universitario de Vigo (Chuvi), Eva Maquieira Gómez, que considerou “improcedente”.

A través dun comunicado, o órgano colexiado anunciou que a súa Comisión Deontolóxica analizará o seu caso “por se houbese lugar a denunciar este feito ante a Fiscalía”.

Ademais, mostrou o seu “apoio” a esta facultativa, que, segundo apuntou, “non fixo máis que manifestar o que a Organización Médica Colexial vén reivindicando”.

En concreto, o cesamento efectuouse este domingo, despois de que, segundo indicaron a Europa Press fontes do Servizo Galego de Saúde (Sergas), esta profesional “se negase a acatar” as recomendacións sanitarias emitidas polo Chuvi para evitar a propagación do coronavirus.

Tamén se afirmou que “animou a outros compañeiros a non cumprir” estas medidas e cuestionounas ” en redes sociais, polo que se considerou que “se rompeu a confianza” cara á dirección da área Sanitaria de Vigo, que se entendía como necesaria para que desempeñase o posto de xefa de servizo.

“RISCO” DE CONTAXIO

Así mesmo, o Colexio de Médicos de Pontevedra denunciado o “risco” de contaxio por COVID-19 ao que se enfronta o persoal sanitario en España e que, segundo recalcou, “increméntase por carecer das mínimas garantías de seguridade para facer fronte á situación”.

Por este motivo, este órgano reclamou á administración pública que “dote de medios adecuados a todo o persoal médico no menor espazo de tempo posible”.

2 COMENTARIOS

  1. Cesaronna como persoal de confianza non como médica.
    Non sei ata que extremos un médico ou sexa quen sexa, se pode a negar as normas. Eu fago e vou preso.

    • Lea lo que ha sucedido y lo entenderá, no va contra la norma, ella usó y recomendó a sus compañeros el uso de mascarilla para protegerse y proteger al paciente en consultas y curas en las que está a menos de 1 metro del paciente.

DEIXAR UN COMENTARIO

Please enter your comment!
Please enter your name here