InicioPolíticaBNG de Vigo critica a Abel Caballero por "alardar dese millonario ascensor...

BNG de Vigo critica a Abel Caballero por “alardar dese millonario ascensor de Star Trek”

Critica que presuma de gastar 13 millóns nun ascensor mentres "abandona" as parroquias.

PUBLICADO O

- Advertisement -

O concelleiro do BNG de Vigo, Xabier Pérez Igrexas, criticou que o alcalde, Abel Caballero, presuma de gastar case 13 millóns de euros no ascensor Halo, mentres “abandona” os barrios e as parroquias da cidade.

Nun comunicado, os nacionalistas subliñaron que Vigo necesita máis que grandes obras e inauguracións no centro da urbe e reclamaron investimentos para as parroquias, que padecen a “permanente inejecución orzamentaria” do goberno local.

Pérez Igrexas criticou que Caballero volva a “alardar dese millonario ascensor de Star Trek” pero mantén un muro caído no barrio do Freixeiro desde fai máis de tres anos e segue sen dotar de aseos á ETEA, demandados polos veciños desde fai seis anos, entre outros exemplos de “desatención continua” dos barrios e das parroquias.

Por iso, lamentou o “cinismo” do goberno local, a quen acusou de facer “propaganda partidista co diñeiro público de todos os vigueses” por presentar como humanizacións o que son “apenas asfaltados” de camiños.

“Os datos do propio Concello de Vigo demostran como cada ano tres de cada catro euros comprometidos para investimentos volven quedar na caixa”, indicou o concelleiro do BNG. “Abel Caballero promete, anuncia, volve prometer e a anunciar, pero as cifras mostran como tres de cada catro promesas que fai son puro fume”, sentenciou.

ÚLTIMAS

Casco Vello de Vigo aproba o seu plan ata 2030, con 25 inmobles de actuación prioritaria e un investimento de 15 millóns

O Consorcio Casco Vello de Vigo aprobou este xoves o seu plan de actuación 2026-2030,...

Comeza en Vigo a montaxe da árbore de Nadal “máis importante do planeta”

O alcalde de Vigo, Abel Caballero, visitou este xoves o inicio da montaxe do que...

Sanidade contrario a un radiólogo de garda en Vigo: “Imposibilitaría o desenvolvemento normal do servizo”

A Xerencia da área Sanitaria de Vigo asegurou que establecer un terceiro radiólogo de...

Choque entre Caballero e a Xunta pola auga de Vigo: “Só temos para 100 días”

O alcalde de Vigo, Abel Caballero, acusou á Xunta de Galicia de restar importancia á...