InicioEconomíaPor fin abren os primeiros tramos da polémica Autovía do Morrazo

Por fin abren os primeiros tramos da polémica Autovía do Morrazo

Os dous primeiros tramos brirán ao tráfico o venres da próxima semana.

PUBLICADO O

Logo de numerosos atrasos e inconvenientes para os milleiros de habitantes do Morrazo, a Xunta anunciou xa a apertura parcial da Autovía do Morrazo. A conselleira de Infraestruturas e Vivenda, Ethel Vázquez, avanzou este sábado que os dous primeiros tramos abrirán ao tráfico o venres 11 de maio, desde o enlace de Rande ao de Meira.

Acompañada do director xeral da Axencia Galega de Infraestruturas, Francisco Menéndez, e do delegado territorial da Xunta en Vigo, Ignacio López Chaves, participou nesta xornada con veciños do Morrazo e Vigo nun percorrido por parte do trazado da nova vía libre de peaxe.

A conselleira, segundo informa a Xunta nun comunicado, quixo compartir cos veciños a oportunidade de coñecer “dun modo diferente” a Autovía do Morrazo, unha infraestrutura “construída para as persoas, para o uso dos cidadáns” que, desde o venres 11 de maio, terá en servizo os dous primeiros tramos. O percorrido, duns 3 quilómetros, correspondeuse co primeiro tramo da autovía, o situado entre a ligazón de Rande e de Domaio.

Ethel Vázquez explicou aos participantes as características das estruturas máis singulares da nova autovía, ademais de sinalar os viadutos de Rande e da Moura, este último con máis de 400 metros de lonxitude, sendo o máis longo de toda a autovía.

TÚNEL DE MONTEALEGRE

Tamén destacou o túnel de Montealegre, que supuxo executar unha obra “de gran singularidade técnica”, da que “non se atopa outro exemplo en España, sendo “a primeira vez que se amplía o túnel”.

Precisamente, esta ampliación do túnel permitiu preservar, na súa totalidade, o Castro de Montealegre, no que a Xunta subliña que “se traballou intensamente” ao realizar “unha ambiciosa campaña de escavación arqueolóxica”, en coordinación coa Dirección Xeral de Patrimonio Cultural, que facilitou un labor de documentación do xacemento “de enorme valor histórico e cultural”.

Vázquez explicou que, neste momento, están a ultimarse “todos os traballos de sinalización e pintado” que permiten circular “en condicións de seguridade” e aproveitou para “agradecer a comprensión e paciencia” dos veciños polas “molestias inevitables” que supoñen as grandes obras.

Ao final, verán que o esforzo mereceu a pena“, aseverou, antes de lembrar que, no verán de 2019, “toda” a autovía será “realidade”, a infraestrutura de maior investimento que está a realizar nestes momentos o seu departamento, con 55,5 millóns de euros para a construción de 11 quilómetros de autovía.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...