InicioEconomíaO Círculo de Empresarios de Galicia concede a súa Medalla de Ouro...

O Círculo de Empresarios de Galicia concede a súa Medalla de Ouro a Juan Güell

Güell Cancela fora presidente do Círculo de Empresarios que agora lle concede esta condecoración.

PUBLICADO O

- Advertisement -

A xunta directiva do Círculo de Empresarios de Galicia acordou por unanimidade distinguir a Juan Güell Cancela, quen foi presidente desta organización empresarial,  coa súa Medalla de Ouro, que se lle entregará nun acto o próximo mes de novembro.

Güell Cancela, socio director do consultoras Mercado Continuo 2100 e Dosvalor JH, comezou a súa carreira en Arthur Andersen nos anos 60. Entre 1968 e 1995 foi director financeiro da química Zeltia, e logo traballou como director xeneral do Grupo de Empresas Álvarez.

Ademais, é cofundador de Grupo SUM, Cibergestión e Coworking Vigo, entre outras iniciativas; foi presidente do Círculo de Empresarios de Galicia en dúas etapas (entre 2004 e 2007, e entre 2015 e 2018); e tamén desempeñou labor docente como profesor de finanzas na Escola de Negocios Caixanova, hoxe IESIDE.

Desde o Círculo (antes Club Financeiro de Vigo) impulsou a Rede de Investidores Privados-RedInvest, para o fomento e posta en marcha de proxectos innovadores. Por outra banda, é administrador e conselleiro en varias empresas, como Pescapuerta, Pérez Rumbao, Metalships, etc. e, en 2014, foi distinguido como Mellor Executivo de Galicia pola revista ‘Executivos’.

ÚLTIMAS

Caballero planta cara á Xunta: Vigo recorrerá para recuperar o antigo CEIP Virxe do Rocío

O Concello de Vigo presentará recurso de alzada ante a resolución da Consellería de...

Detectan un novo foco de gripe aviaria en Vigo: xa son 15 os casos en aves silvestres en Galicia este ano

A Consellería do Medio Rural comunicou ao Ministerio de Agricultura, Pesca e Alimentación (MAPA)...

O Hospital Álvaro Cunqueiro, único hospital público con terapia xénica

O conselleiro de Sanidade, Antonio Gómez Caamaño, aproveitou as xornadas de conmemoración dos 30...

Operativo policial desmantela un punto de venda de drogas nas Travesas e o seu provedor en Gondomar

Axentes da Policía Nacional da Comisaría de Vigo desarticularon un grupo criminal dedicado ao...