Os temporais de decembro deixaron a pista de atletismo de Balaídos sen xaula para lanzamento de martelo e disco.
Logo de un mes coas instalacións precintadas e a piques de comezar as probas autonómicas e nacionais, deportistas e equipo técnico teñen que desprazarse dous días á semana á localidade portuguesa de Vilanova de Cerveira, que puxo a disposición dos clubs galegos as súas instalacións.
No ano 2014 Xunta de Galicia e concello firmaron un acordo para o desenvolvemento dun proxecto de reforma do Estadio de Atletismo de Balaídos cun compromiso económico de 2 millóns de euros de inversión sufragados polo organismo autonómico, a cambio de non invertir na financiación da remodelación do estadio de futbol.
A invalidación posterior do Plan Xeral e a falta de acordo entre Concello e Xunta, supuxeron a paralización do proxecto cunhas instalacións en precario.
