A Feira do Libro Antigo e de Ocasión, que permanecerá aberta ata o 5 de agosto de 10:00 a 13:30 e de 18:00 a 21:00 horas na Praza de Compostela, achega a Vigo miles de exemplares de todo tipo: dende a novela histórica baseada na Guerra Civil de Abel Caballero ata Hemingway, libros de arte ou banda deseñada.

Quizais o visitante atope algunha xoia esquecida, ou ese volume que levaba décadas buscando. Un chamamento á antiga arte da lectura na privilexiada contorna natural da alameda.

Dende os primeiros días da feira, lectores e lectoras percorren estantes coa mirada e pasan páxinas na procura do libro perfecto.