InicioSucesosDetido un home en Vigo por golpear á súa parella tras unha...

Detido un home en Vigo por golpear á súa parella tras unha discusión por celos

PUBLICADO O

A Policía Local de Vigo procedeu este mércores á detención de G.V.F, varón de 34 anos de idade, nado e domiciliado en Vigo, por un presunto delito de violencia de xénero. Os feitos ocorreron sobre as 05:00 horas da madrugada do día de onte. A Central da Policía Local recibiu a chamada dunha muller indicando que se estaba producindo unha forte discusión de parella na rúa Hernán Cortés.

Unha patrulla desprazouse ao lugar e puido comprobar como unha parella discutía de forma acalorada na confluencia das rúas Colmeiro Laforet con Hernán Cortés, aínda que cando a muller detectou a presenza policial dirixiuse cara aos actuantes.

Comunicoulles que momentos antes, tras unha discusión coa súa parella nas inmediacións dun local situado na rúa Hernán Cortés, el colleuna polo pescozo e a zarandeou tirándoa ao chan e golpeándoa repetidas veces en diferentes partes do corpo, e que a continuación se apoderou do seu teléfono móbil, polo que ela tratou de ausentarse do lugar.

A vítima comunicou ademais que G.V.F, era a primeira vez que a agredía fisicamente, sendo habituais as discusións, e que esta se iniciou nun local próximo debido aos celos del.
Os axentes puideron apreciar que a muller presentaba lesións no cóbado dereito e no pescozo, polo que instantes mais tarde foi trasladada por outra patrulla a un centro hospitalario.

O varón negou os feitos, pero os actuantes puxéronse en contacto coa propietaria do local no que pouco antes estivera a parella e esta manifestou que o varón discutira cuns mozos que estaban falando coa muller, chegando a poñerse moi agresivo por ese motivo, polo que foi necesario botalo do establecemento e pechar a porta con chave.

Unha vez fóra seguiu molestando, tratando de entrar, polo que o seu acompañante pediulles que a deixasen saír para ver se conseguía tranquilizalo, pero unha vez fóra iniciaron unha forte discusión, comezando a camiñar ambos en dirección María Berdiales, pero nun momento dado escoitaron gritar á muller, polo que saíron para ver que pasaba, observando que ela se atopaba no chan e o varón encima dela, zarandeándoa. Por todo iso, procederon á detención de G.V.F.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...