InicioVigo e contornaVigoRenfe e Concello de Vigo asinan un convenio de promoción da cidade...

Renfe e Concello de Vigo asinan un convenio de promoción da cidade como destino turístico e de negocios

Grazas a este convenio, poderán obterse ofertas mediante a creación de paquetes turísticos que empreguen o tren como medio de transporte.

PUBLICADO O

- Advertisement -

O presidente de Renfe, Isaías Táboas, e o alcalde de Vigo e presidente da Fundación Vigo Convention Bureau, Abel Caballero, asinaron este xoves un convenio para promocionar a cidade olívica como destino turístico e de negocios de viaxes en tren.

O acordo, subscrito no marco da Feira Internacional de Turismo (Fitur) que se celebra estes días en Madrid, contempla que Renfe ofreza descontos aos asistentes e expositores das actividades que leven a cabo para a promoción do turismo de congresos, convencións e outros eventos que se celebren ou organice a Fundación Vigo Convention Bureau, tanto nos trens AVE como en Longa Distancia.

Así mesmo, acordáronse descontos en tren tamén para as ‘Escapadas Temáticas’ ou de Turismo MICE (Meetings, Incentivos, Convencións, Eventos e Congresos) e Grupos.

Pola súa banda, a Fundación Vigo Convention Bureau promocionará e publicitará a Renfe como ‘tren oficial’ de todas as actividades que leve a cabo para a promoción do turismo ou de negocios na cidade.

Grazas a este convenio, poderán obterse ofertas en hoteis, restaurantes, espectáculos, rutas turísticas ou museos mediante a creación de paquetes turísticos que empreguen o tren como medio de transporte.

ÚLTIMAS

Falece un mozo en Vigo tras ter un accidente cunha carretilla elevadora

Un mozo de 24 anos de idade faleceu este xoves en Vigo tras sufrir...

Un ano de cárcere por deixar morrer de fame a cinco cans en Gondomar

Un home aceptou este xoves un ano de cárcere por deixar morrer de fame...

Nova imaxe gráfica do Marisquiño 2024, unha homenaxe aos adhesivos dos 90 no grafiti e ‘skate’

Os artistas Nano4814 e Sekone foron os encargados de deseñar a imaxe gráfica do...

Detido un mozo de 18 anos por roldar a vivenda dunha muller sobre a cal tiña unha orde de afastamento

A Policía Local de Vigo detivo na tarde deste pasado mércores a un mozo, S.G.B. de...