InicioSociedadeVigo apostará firmemente polo seu poder audiovisual e festivo en Fitur

Vigo apostará firmemente polo seu poder audiovisual e festivo en Fitur

Abel Caballero anunciou este venres que a cidade volverá estar presente na Feira Internacional de Turismo que se celebrará a semana que vén en Madrid, onde o Concello levará a cabo a presentación do seu proxecto baixo a lema 'Vigo, millóns de visitantes acredítannos'.

PUBLICADO O

- Advertisement -

alcalde de Vigo, Abel Caballero, anunciou este venres que a cidade volverá estar presente na Feira Internacional de Turismo (Fitur), que se celebrará a semana que vén en Madrid, onde o Concello levará a cabo a presentación do seu proxecto baixo a lema ‘Vigo, millóns de visitantes acredítannos’.

En concreto, será o vindeiro xoves, día 19 de xaneiro, cando o propio Caballero se desprace á capital española co obxectivo de transmitir a todo o mundo que é Vigo, o seu Nadal, o seu verán, as súas festas, os seus concertos ou a súa Semana Santa.

Tal como indicou Caballero nun audio difundido aos medios de comunicación, nesta ocasión a presentación olívica volverase a levar a cabo na caseta de Turespaña, “o máis importante espazo de Fitur”.

“O sector turístico da cidade xa ocupa un lugar destacado no ámbito mundial. Pasamos en pouco máis de cinco anos de ser unha cidade que non tiña ningún espazo turístico a ter a maior presenza turística internacional que se pode ter“, reivindicou o alcalde.

Por outra banda, o Concello tamén levará á feira a súa proposta de Vigo como estudio de rodaxe. Neste caso, ‘Vigo, un estudio para mil historias’ será a lema elixido para promocionar á urbe como escenario audiovisual en Fitur Screen, o apartado do evento centrado en mostrar lugares como estudios de cinema.

En concreto, nesta presentación estarán Débora Vukusic e a concelleira e actriz Uxía Branco. Caballero lembrou que xa o ano pasado Amazon optou por Vigo para rodar ‘Un asunto privado’, do mesmo xeito que Netflix, que ocupou as rúas para filmar ‘Un home de acción’.

“E queremos seguir estando e dirixíndonos ás catro grandes plataformas: HBO, Amazon, Movistar e Netflix, que xa están a se fixar en Vigo para unha realidade de rodaxes”, sentenciou o alcalde.

ÚLTIMAS

O BNG lanza unha ofensiva para evitar a “estafa do PP” de pagar a Abanca 9,3 millóns polo Cine Fraga

O BNG lanzou unha ofensiva institucional para evitar a "estafa do PP" de pagar a Abanca...

Empregados de Benteler lamentan a “política de medo” dun superior que xera “problemas graves de saúde” a compañeiros

Traballadores da empresa auxilar do sector automobilístico Benteler criticaron a "política do medo" levada a cabo, ao...

Abel Caballero critica as palabras de José López sobre as Cíes: “Ou ten ignorancia absoluta sobre patrimonios mundiais ou mala fe”

O alcalde de Vigo, Abel Caballero, criticou este xoves as palabras do conselleiro de Cultura,...

En “breve” a Xunta, Zona Franca e Concello de Vigo asinarán o convenio para crear un parking na ETEA

A Xunta de Galicia, a Zona Franca de Vigo e o Concello asinarán "pronto"...