A xunta de goberno do Concello de Vigo aprobou a autorización do pago dunha parcela da antiga Escola de Transmisións e Electricidade da Armada (ETEA) ao Consorcio da Zona Franca por un importe de 2,9 millóns de euros.

Tal como indicou en rolda de prensa o alcalde, Abel Caballero, este chan consta de viarios de conexión dentro da ETEA, polo que lamentou que a Xunta “incumpra” as súas obrigas e esixiulle o pago desa cantidade para a súa utilización.

“Ímolo a reclamar nos tribunais”, subliñou, tras engadir que tamén haberá un aluguer “simbólico” por outra parcela para que os cidadáns poidan seguir utilizándoa no ámbito deportivo.