InicioVigo e contornaVigoDezasete millóns, o valor do contrato de electricidade asinado polo Concello de...

Dezasete millóns, o valor do contrato de electricidade asinado polo Concello de Vigo tras a suba no prezo da luz

O obxectivo, segundo apuntaron, é "blindar" a seguridade económica do contrato, que ten un orzamento base de licitación sen impostos de 14,6 millóns, que ascende aos 16,88 millóns con impostos.

PUBLICADO O

- Advertisement -

O Concello de Vigo rescindiu o contrato de electricidade coa compañía eléctrica Iberdrola e asinou un novo documento por case 17 millóns de euros para os próximos 12 meses a partir deste novembro debido ao incremento do prezo da luz.

Tal como informaron fontes municipais consultadas por Europa Press, o pasado marzo adxudicouse a Iberdrola un contrato por un importe de 6,56 millóns de euros que duraría un ano, ata o terceiro mes de 2023.

Catro meses despois, debido á fluctuación dos prezos da enerxía, o Concello constatou que non se podería afrontar economicamente o contrato. Por iso, realizouse unha modificación do mesmo do 20% para afrontar o gasto, de tal forma que se incrementou en 1,31 millóns máis, alcanzando ata outubro.

“A partir de aí, o Concello rescindiu o contrato de mutuo acordo con Iberdrola e adheriuse ao acordo marco coa Federación Española de Municipios e Provincias (FEMP), que ten un prezo fixo de enerxía, coas excepcións do CAP do gas (tope ao gas). É un acordo marco por ano, con posibilidade de prórroga un ano máis ao que se adheriron moitos concellos de España”, indicaron desde o Concello.

O obxectivo, segundo apuntaron, é “blindar” a seguridade económica do contrato, que ten un orzamento base de licitación sen impostos de 14,6 millóns, que ascende aos 16,88 millóns con impostos.

ÚLTIMAS

Abren dilixencias previas por verteduras da cidade deportiva do Celta tras denuncias ecoloxistas

O Xulgado de Instrución número 2 de Vigo notificou a Ecoloxistas en Acción a apertura de dilixencias previas...

Atopan unha nova alga moi invasora na ría de Vigo

O grupo de investigación BioCost, do Centro Interdisciplinar de Química e Bioloxía da Universidade...

Revogado o Máster en Xestión do Desenvolvemento Sustentable da Uvigo

O Diario Oficial de Galicia (DOG) publicou este luns a orde coas revogacións dun...

Cae un mozo 22 anos desde un tellado mentres contemplaba os lumes de Bouzas

Un mozo de 22 anos, con iniciais M.B.G., tivo que ser trasladado polos servizos...