InicioVigo e contornaVigoVigo VMP sinala “irregularidades” nun informe da Policía Local por inmobilizar un...

Vigo VMP sinala “irregularidades” nun informe da Policía Local por inmobilizar un patinete

Vigo VMP tamén sinala o “exceso” da retirada do patinete feita polo “guindastre municipal”.

PUBLICADO O

- Advertisement -

A Asociación Vigo VMP (Vehículos de Mobilidade Persoal), indica varias “irregularidades” nun informe da Policía Local de Vigo sobre a inmobilización dun patinete que “circulaba a 96 km/h” o pasado día 15 de setembro. Nun comunicado emitido por Vigo VMP sinalan que esta é unha “práctica reiterada e relativamente frecuente por parte dalgúns axentes das forzas de seguridade local”.

Sobre o suceso mencionado, Vigo VMP sinala que o patinete circulaba por unha vía legal a menos de 25 km/h. Apuntan unha posible manipulación dos mandos do vehículo sen permiso do usuario e sen indicios claros de infracción ou delicto. Sinala ademais que a propia Policía Local fixo unha medición de velocidade “en baleiro, que é unha medición ilegal, utilizando o velocímetro do VMP que non está homologado”.

Vigo VMP tamén sinala o “exceso” da retirada do patinete feita polo “guindastre municipal”. Tamén destacan o teren “constancia de numerosos casos de usuarios multados por este mesmo método”. Detrás disto ven intervencións “coercitivas” por parte de “axentes concretos”, por iso estas intervencións teñen pouco ou nada que ver coa seguridade e cumprimento da ordenanza municipal de VMP.

A Asociación sinala ademais a reprodución de informacións erradas e sen contrastar. Ante isto último sinalan que “a nosa entidade está disposta a colaborar coas forzas de seguridade locais e cos medios para informar e axudar en todo o relativo aos VMP en Vigo”.

No comunicado de Vigo VMP sinalan que o usuario non foi detido e que non circulaba a 96 km/h. Sinalan a actuación policial como nula de dereito ao non usar métodos axustados á legalidade. Por último indican que “é moi grave que algúns membros da policía local de Vigo actúen ilegalmente e que os medios non contrasten a información”.

ÚLTIMAS

Vigo, a piques de converterse nun novo ‘Xibraltar’ británico durante a Guerra Civil

En marzo de 1938 a situación semellaba desesperada para o exército republicano. A ofensiva...

OPINIÓN: Vigo, a cidade que traballa e as elites que parasitan

Vigo é unha cidade de obreiros, de mariñeiros, de traballadoras e traballadores dos estaleiros...

Convocado un novo pleno extraordinario o xoves en Vigo tras o de Guns N’Roses para defender o porto como nodal

O goberno de Vigo convocou un novo pleno extraordinario o vindeiro xoves, día 13 de marzo,...

Stellantis abonará un bono discrecional duns 445 euros a cada empregado tras cancelar a paga de beneficios

A dirección de Stellantis Vigo pactou cos sindicatos o pago dun bono discrecional duns 445...