Trala caída sufrida por un home no paseo marítimo de Bouzas debido ao mal estado do mesmo, a portavoz do PP, Elena Muñoz, visitou a zona. Tamén os encargados de limpeza do Concello, para facer unha limpeza e cortar a herba. O lugar atópase valado polo momento. Os veciños están fartos.

Ignacio vive fronte ao paseo, una instalación que leva moitos anos nun estado de conservación moi mellorable: “Non se paran, cambian un ou dos taboleiros e listo, hai unha parte que leva valada dous anos”, asegura.

“Este paseo leva media vida así, fodido, a madeira mola moito pero hai que coidala, e os políticos só fan pasarse a bóla”, é o que pensan Javier, perruqueiro e veciño, e mais os seus clientes.

“Na miña barbería todos falan disto. Cando inauguraron este paseo, era precioso, pero nunca se chegou a manter de verdade, así que foi podrecendo. Por aquí camiñamos todos os vigueses, pero ninguén asume unha responsabilidade real”, lamenta.

“Se non pasara o do Marisquiño, ninguén se pararía nisto. Ata que algúen non se fai dano, non se arranxa nada”, conclúe.

Polo momento, a disputa entre Porto de Vigo e Concello en canto ás responsabilidades de mantemento, na ETEA, no Paseo das Avenidas ou no de Bouzas, continúa.