InicioVigo e contornaVigoFalecen dúas persoas con covid na área de Vigo

Falecen dúas persoas con covid na área de Vigo

A área olívica segue por enriba dos 200 positivos.

PUBLICADO O

Un total de sete persoas faleceron con covid en Galicia desde o pasado sábado, segundo os datos comunicados pola Consellería de Sanidade este xoves –con cifras ata as 18,00 horas do mércores–.

O 13 de agosto, faleceu unha muller de 90 anos na área da Coruña. O 15 de agosto, as mortes foron catro: unha muller de 81 anos (área de Vigo), tres homes de 68 anos (área da Coruña), 71 anos (área de Pontevedra) e 89 anos (área de Ourense). A eles súmanse outros dous óbitos do 16 de agosto: unha muller de 79 anos (área de Vigo) e unha muller de 86 anos (área de Lugo). Estas sete persoas contaban con patoloxías previas.

Pola súa banda, continúa o aumento dos casos diarios de contaxios, con 159 nas últimas 24 horas, por encima dos 139 da xornada anterior. Igualmente, os casos totais elévanse a 1.615 (45 máis). En cambio, os hospitalizados van á baixa, cun total de 182 (catro menos). Entre eles, unha ducia están na UCI (un menos) e os 170 restantes están en unidades de hospitalización (tres menos). Ademais, 1.433 están en domicilio (49 máis).

Desde o inicio da pandemia, hai un total de 667.554 persoas curadas en Galicia. Ademais, as PCR realizadas rozan os 4 millóns, á vez que as doses de vacinas administradas son de 6,7 millóns.

DATOS POR ÁREAS

Os casos activos totais crecen en todas as áreas, salvo en Ferrol (que baixan de 131 a 122). A Coruña conta co maior número de contagios, con 403 (22 máis). Séguelle: Ourense, con 271 (cinco máis); Lugo, con 229 (catro máis); Vigo, con 212 (sete máis); Santiago, tamén con 212 (catro máis); e Pontevedra, con 155 (13 máis).

No tocante a hospitalizados, na área da Coruña hai 54 hospitalizados en planta e tres en UCI. En Ourense, 26 en planta e dúas en UCI. En Ponteveda, 22 en planta e ningún en UCI. En Vigo, 22 en planta e dúas en UCI. En Santiago, 21 en planta e dúas en UCI. En Lugo, 15 en planta e un en UCI. En Ferrol, 12 en planta e dúas en UCI.

Please wait while you are redirected...or Click Here if you do not want to wait.

ÚLTIMAS

Segundo gran concerto de Castrelos 2024: Dani Fernández, o 13 de xullo

O músico español Dani Fernández actuará no auditorio de Castrelos de Vigo o sábado 13 de xullo. Nun audio...

O goberno de Vigo acusa a ecoloxistas de facer “política antivigo” por criticar a “política arboricida” do Concello

O goberno de Vigo acusou a veciños e ecoloxistas de facer "política antivigo" ao...

Dous detidos na desarticulación dun punto negro de venda de drogas en Navia

A Policía Nacional detivo este pasado xoves en Vigo a dous homes tras desarticular un punto negro...

Un camión guindastre choca contra o tendido eléctrico en Mos e provoca retencións e danos nunha vivenda

Un camión guindastre chocou na mañá deste venres contra o tendido eléctrico en Mos...