O alcalde de Vigo, Abel Caballero, repetiu durante o Vigo en Festas que o auditorio de Castrelos é un “marco incomparable”, mais, isto é realmente certo? As instalacións do Festival Paredes de Coura, a 20 minutos en coche da fronteira con Portugal, parecen deixar atrás o organizado en Vigo.
Tamén en canto ao son, posto que durante o Vigo en Festas chegaron a queixarse algúns dos espectadores de problemas para escoitar con nitidez nas zonas altas do auditorio, mentres que en Paredes a calidade do son era practicamente perfecta en calquera punto.
En canto aos artistas, hai que recoñecer que se acadaron varios cheos, pero tamén é certo que apareceron voces críticas coa calidade dos artistas convidados, cando en Vigo, en tempo, teñen tocado estrelas como os Rolling Stones, Madonna, Dire Streets…
Entón, como a comparación non é totalmente xusta, posto que a entrada a Paredes de Coura tiña un custe moito máis elevado, a pregunta é: podería organizarse en Vigo un festival semellante? O máis similar, o Marisquiño, está máis centrado nos deportes de risco.
Espazo para a prensa internacional no Paredes de Coura
Cheo impresionante durante un dos concertos de Paredes
Ao redor dos diferentes escenarios, habilitáronse diferentes zonas de ocio e descanso para os visitantes.
Unha parella descansa entre concerto e concerto
Postos de comida rápida, latina, portuguesa…
A organización do festival vendeu camisetas, lámpadas e diverso merchandising.
Os concertos dinamizáronse con efectos de luz e vídeo en pantalla xigante.
A seguridade tivo unha actuación exemplar durante os concertos, algúns deles moi perigosos.
