A plataforma estudantil independentistas Erguer constitúese como a primeira forza organizada no espazo reservado a estudantes do claustro da Universidade de Vigo. Así o vén de comunicar a propia organización tras as eleccións ao claustro celebrados o pasado mércores 4 de maio. Segundo explican as mesmas fontes, os comicios partían “dun contexto complexo, pois nas anteriores eleccións, o 50% dos postos de estudantes no claustro ficaron baleiros. Desde Erguer, declaran “entendiamos que a nosa organización debía servir como motor dunha candidatura amplia, que buscase reverter esta participación”.
Así, despois de varios meses de preparación, o sindicato vén de se erguer –precisamente– como primeira forza da UVigo e, segundo explican, dos tres campus de Galicia, xa que conta cunha represión do 42% nos claustros. Tal representación servirá para levar a cabo as liñas de proxecto, que definen como segue: “asumíamos os seguintes cometidos: ampliar a participación, marcar unha clara liña combativa e defender os valores polos que existimos desde a autoorganización das estudantes, non só dentro dos órganos universitarios.”
“Queremos agradecer a todas as compañeiras que depositaron a súa confianza en nós e no noso proxecto. Non vos fallaremos.”, indican desde a organización tras uns comicios nos que os postos baleiros se reduciron de 37 a 12, un 16% do total. “Non entendemos isto como unha victoria sen melloras, pois calquera posibilidade de participación non aproveitada segue sendo unha derrota”, trasladan.
Desde a organización valoran positivamente o efecto electoral, mais non buscan quedarse nos resultados. “Unha organización estudantil voltou protagonizar o traballo a pé de aula, desde a base, creando a única e alternativa real: o activismo e traballo solidario entre compañeiras.” Ademais consideran que “os valores de participación das estudantes, de 4,75% son preocupantes, e recórdannos todo o traballo que nos queda por facer. E seguimos adiante a pesar das presións que recibimos desde o primeiro momento.
