Tanto o alcalde de Vigo, Abel Caballero, como o Presidente da Autoridade Portuaria de Vigo, Enrique César López Veiga, evitaron referirse ás responsabilidades da traxedia do Marisquiño, con máis de 300 feridos, 5 deles graves.
López Veiga asegurou que non era o momento adecuado, e eludiu a pregunta dunha xornalista, referida precisamente a quen pertencía a competencia do mantemento e supervisión da zona que se derrumbou, se á Xunta, á Autoridade Portuaria ou ao Concello.
O paseo, que non estaba en boas condicións, non puido soportar o impacto de miles de persoas.
