InicioSociedadeUn xulgado de Vigo encargarase "en cuestión de días" de declarar o...

Un xulgado de Vigo encargarase “en cuestión de días” de declarar o falecemento dos desaparecidos no naufraxio

Continúan desaparecidos un total de 12 tripulantes.

PUBLICADO O

- Advertisement -

A petición da declaración de falecemento, instada pola Fiscalía, dos tripulantes desaparecidos do ‘Villa de Pitanxo’ recaeu no Xulgado de Instancia número 2 de Vigo.

Segundo informan fontes do Tribunal Superior de Xustiza de Galicia (TSXG), este partido xudicial é o encargado ao partir a embarcación da cidade de Vigo, mentres se espera que esa declaración sexa “cuestión de días”.

De tal forma, xa está presentada toda a documentación necesaria, así que agora trátase de que a letrada xudicial, que é quen se encarga destes temas, revise e firme as declaracións.

Hai uns días, a Fiscalía de Pontevedra informaba da apertura de dilixencias de oficio para pescudar a identidade –nomes, apelidos, datas de nacemento e residencia– dos mariñeiros, españois e estranxeiros, que aínda non puideron ser localizados tras o naufraxio do buque Villa de Pitanxo, o pasado 15 de febreiro a 450 quilómetros ao leste de Terranova (Canadá). En concreto, continúan desaparecidos un total de 12 tripulantes.

Precisamente, este luns os familiares de vítimas e desaparecidos do ‘Villa de Pitanxo’ recibiron asesoramento, na Subdelegación do Goberno de Pontevedra, para axilizar os trámites burocráticos en relación ás solicitudes de prestacións.

ÚLTIMAS

Vigo sen Bombeiros manifestarase este sábado para volver reclamar máis efectivos tras a morte de Sergio S.D.: “Xa se pagou un prezo moi caro”

A plataforma Vigo sen Bombeiros convocou unha manifestación para este sábado, ás 19.00 horas na Praza...

A Xunta critica ao Concello de Vigo por non poñer buses lanzadeira a Lavacolla

O conselleiro de Presidencia, Xustiza e Deportes, Diego Calvo, destacou este mércores a "resposta...

Entradas para o Galicia-Panamá se doas sangue

A Axencia de Doazón de Órganos e Sangue (ADOS) e a Real Federación Galega de Fútbol volverán desenvolver...

Adxudicado pola vía de emerxencia o servizo de transporte sanitario urxente da área a Emerxencias Sanitarias-Saluser

A Xunta, a través da Fundación Pública Urxencias Sanitarias de Galicia-061, adxudicou o servizo de transporte sanitario...