InicioSociedadeGran aumento de contaxios na área de Vigo, que conta con 12.892...

Gran aumento de contaxios na área de Vigo, que conta con 12.892 casos activos de Covid

Con todo, as infeccións activas descenderon en todas as áreas sanitarias, incluída a de Vigo.

PUBLICADO O

O número de pacientes ingresados con Covid en hospitais de Galicia descendeu nas últimas horas ata as 701 persoas, das que 45 están en Unidades de Coidados Intensivos e 656 en camas convencionais, o que supón que hai 3 enfermos menos en coidados críticos e 33 menos en planta. Todo iso a pesar de que repuntaron os contaxios novos, que volven situarse por encima dos 4.000 casos detectados.

Así se reflicte no informe publicado este martes pola Consellería de Sanidade, con datos recolleitos ata as 18,00 horas do luns, e no que se cifra en 51.561 o número de persoas que actualmente teñen Covid en Galicia.

Segundo os datos facilitados por Sanidade, nas últimas horas rexistráronse 4.043 novos casos de Covid, o que supón uns 1.300 contaxios máis que os notificados o luns. Por áreas, as de Vigo, A Coruña e Santiago lideran ese repunte.

Na área sanitaria de Vigo rexistráronse nas últimas horas 892 contaxios novos, moi por encima dos 550 do día anterior
; na de Santiago-A Barbanza detectáronse 785 casos novos (fronte aos 502 do día anterior); e na área da Coruña-Cee notificáronse 869 infeccións novas (cando o día anterior foron 611).

Os novos contaxios creceron en todas as áreas sanitarias: na de Pontevedra-O Salnés rexistráronse 439 novos contaxios, na de Lugo, A Mariña e Monforte hai 426 enfermos máis, na de Ourense, Verín e Barco de Valdeorras rexistráronse 421 contaxios novos, e na Ferrol hai 211 casos novos.

Así as cousas, e descontadas as altas e falecementos, actualmente hai en Galicia 51.561 enfermos con Covid, 2.145 menos que hai un día, e os casos activos reducíronse en todas as áreas. A de Vigo ten 12.892 casos (832 menos), a da Coruña ten 11.223 enfermos (373 menos), en Santiago hai 9.115 casos activos (275 menos), en Pontevedra hai 5.482 casos (249 menos), en Lugo son 5.365 casos (208 menos), en Ourense hai 5.033 casos (152 menos) e en Ferrol, 2.451 casos (56 menos).

BAIXA A PRESIÓN HOSPITALARIA

Pese ao repunte de contaxios, a ocupación nos hospitais galegos por enfermos con Covid descendeu, con 36 persoas ingresadas menos. Deste xeito, permanecen hospitalizados 45 pacientes en Unidades de Coidados Intensivos e 656 en camas convencionais.

Con respecto aos enfermos máis graves, a UCI da área da Coruña seguen sendo as que teñen maior ocupación, con 11 pacientes ingresados con Covid (tres menos). Na área de Lugo mantéñense 9 enfermos en coidados críticos; na área de Santiago hai 8 persoas en UCI (unha máis); na área de Vigo mantéñense 6 enfermos en UCI, os mesmos que na área de Pontevedra (onde baixou un); na área de Ourense seguen 4 pacientes en UCI; e na área de Ferrol mantense un enfermo en coidados críticos.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...