O Concello de Vigo aumentou o seu financiamento para a Fundación do Museo Marco ata case 800.000 euros, segundo anunciou este mércores en rolda de prensa o alcalde, Abel Caballero.
Así, este ano o Concello achegará 120.000 euros máis ao Museo Marco, con ata 795.000 euros. Deste aumento, unha parte é para a Exposición Laxeiro e outra parte para o propio funcionamento do centro.
Unha subida de case o 20%, reivindicou Caballero, quen lamentou que a Xunta de Galicia non subise a súa achega ao Museo, a pesar de que o Ministerio de Cultura aumentouna en 15.000 euros e a Deputación de Pontevedra, en 10.000 euros.
“A Xunta de Galicia dedica os recursos a financiar os museos doutras ciduades. Varios en Santiago de Compostela, por exemplo”, criticou o rexedor vigués.
Noutra orde de cousas, Caballero insistiu sobre o tema da ampliación da autovía A-52 para unir O Porriño con Vigo, pedindo o pronunciamento dos empresarios sobre a “oposición” do presidente da Xunta, Alberto Núñez Feijóo, ao túner que uniría estas dúas localidades. “Non os escoito e quero escoitalos”, indicou Abel Caballero.
