O número de falecidos con Covid en Galicia elevouse nas últimas horas a 2.950, tras notificar Sanidade outros 11 decesos correspondentes a varios días, de persoas entre 72 e 95 anos, todas elas con patoloxías previas.
Segundo informaron este mércores fontes sanitarias, tres dos falecementos producíronse o pasado 29 de xaneiro: un home de 72 anos de idade que morreu na área sanitaria de Vigo; e outro home de 87 anos e unha muller de 91 anos, falecidos na área de Lugo, A Mariña e Monforte.
O 30 de xaneiro rexistráronse outros dous decesos: o dun home de 88 anos de idade, na área sanitaria de Ourense, Verín e Barco de Valdeorras; e o doutro home, de 91 anos, na área sanitaria de Lugo, A Mariña e Monforte.
Finalmente, na xornada do pasado luns rexistráronse outro seis falecementos: dúas mulleres de 95 e 93 anos de idade na área sanitaria de Santiago e A Barbanza; unha muller de 92 anos, e dous homes de 69 e 78 anos, todos na área sanitaria de Vigo; e unha muller de 89 anos que faleceu na área sanitaria de Lugo, a Mariña e Monforte.
