InicioVigo e contornaVigoA Residencia Bembrive baixa a 15 contaxios despois de rexistrar máis de...

A Residencia Bembrive baixa a 15 contaxios despois de rexistrar máis de 100 positivos

Con todo, as cifras globais de infeccións nos centros de Galicia ascenden a 555.

PUBLICADO O

Os casos activos de Covid-19 nas residencias de maiores en Galicia seguen en aumento e ascenden a 555, que supoñen 143 máis que os 412 rexistrados hai unha semana –a Xunta actualízaos cada mércores– concentrados en 58 centros. Destacan brotes de 45 e 43 contaxiados en instalacións de Ferrol e A Mezquita, Ourense, respectivamente.

Segundo os datos actualizados este mércores polas consellerías de Política Social e Sanidade, o megagromo con 105 usuarios da Residencia Bembrive de Vigo redúcese a 16 maiores contaxiados. Dos datos actualizados, destacan os brotes con 45 usuarios contaxiados na Residencia Mi Casa de Ferrol e os 43 na San Martín da Mezquita, aos que se engaden os 35 rexistrados en El Rocío de Vigo.

Pola súa banda, a Residencia Xeriátrica de San Cosme de Rubiá concentra 34 usuarios contaxiados e a Divina Pastora de Vilagarcía de Arousa rexistra 30 maiores con Covid-19. Con máis dunha vintena de casos sitúanse as residencias ourensás de Larouco (28) e San Martiño de Nogueira de Ramuín (24), seguidas da dos Tercios de Touro (20), a Residencia Valadouro (20) e a da Virxe de Guadalupe de Mos (20).

CENTROS DE DISCAPACIDADE

En canto ás residencias de atención á discapacidade da Comunidade galega, os casos activos de Covid-19 aumentan a 42 en sete centros, que implican 31 máis que hai unha semana. En concreto, destacan os 19 casos no CAPD de Sarria, 13 na Residencia Gravemente Afectados Juan Vidán Torres de Santiago e seis nas Esclavas de la Virge Dolorosa de Mos.

Pola súa banda, cun caso de Covid en cada unha atópanse as residencias La Casa de Lamastelle de Oleiros, a Pai Menni de Betanzos, CAPD de Redondela e Residencia de Atención Integral Apamp de Vigo.

Please wait while you are redirected...or Click Here if you do not want to wait.

ÚLTIMAS

A ministra Pilar Alegría non puido celebrar un acto en Vigo pola imposibilidade de entrar na cidade por colapso de tráfico

O colapso de tráfico nos accesos viarios a Vigo obrigou a suspender un acto...

Convocada para este domingo en Vigo unha concentración en repulsa polo asasinato machista de Oroso

O Feminismo Unitario de Vigo convocou para este domingo unha concentración en repulsa do...

O goberno municipal insiste no “interese político” da folga de Vitrasa: “Queren danar o Nadal e á xente”

O goberno municipal de Vigo defendeu este venres a súa actuación ante o conflito de Vitrasa, concesionaria...

Intervidas case 1.800 plantas de marihuana no operativo antidroga no Baixo Miño que se saldou con 6 detidos

Comisaría Provincial de Pontevedra, o Grupo I da Udyco da Comisaría Vigo-Redondela e o...