Protestas en Teis contra a contaminación acústica derivada da AP9. A Asociación Veciñal de Teis dirixiuse por escrito o pasado mes de decembro, a  Raquel Sánchez Jiménez, Ministra de Transporte, Mobilidade e Axenda Urbana, para, segundo apuntan, reivindicar solucións para a cuestión da autoestrada, en particular no tocante ao ruído –pedindo pantallas acústicas– e á mellora dos pasos elevados sobre os camiños da Xorxa e A Trapa.

Fíxoo así despois de que o derradeiro anuncio do BOE só anunciara o proxecto para construír pantallas nun tramo do enlace entre O Morrazo enlace Teis, que será efectivo nas parroquias San Adrián de Cobres, de Cabanas e de Chapela, pero non no barrio vigués.

A decisión xa foi rexeitada pola asociación, que destaca a demora da satisfacci´´ón destas demandas: “Levamos  anos reivindicando unha actuación urxente na autoestrada da AP9 sobre a contaminación acústica no tramo desde Padín até o centro da cidade de Vigo”, explican

A cuestión estaría en que as pantallas acústicas de Teis xa estarían recollidas nun Plan de Acción contra el Ruído de 2016 que, non obstante, segue sen aprobar. Todo mentres se van sumando “datos moi preocupantes de contaminación acústica en Teis”, xa que, segundo estacan, hai un total de 5.000 domicilios e 13.500 persoas están a máis de 55 dB, de acordo cun estudo de Audasa de 2012.

Por iso vén como “un escándalo” que no tramo Teis-Vigo, “un dos máis poboados e con maior contaminación acústica, non se inclúa a instalación de pantallas acústicas”. Dende a asociación subliñan quen se trata dun tramo con vivendas a escasos metros da autoestrada e que padece o seu “desde hai décadas”.