InicioSociedadeO Pleno de Vigo aproba o seu orzamento para 2022, que ascende...

O Pleno de Vigo aproba o seu orzamento para 2022, que ascende a 285,6 millóns de euros

Supoñen 21 millóns máis que as contas de 2021.

PUBLICADO O

O Pleno do Concello de Vigo aprobou este mércores os seus orzamentos municipais para o ano que vén, que ascenden a 285,6 millóns de euros (21 millóns máis que as contas de 2021), cos votos favorables do grupo de goberno e o rexeitamento dos 7 edís da oposición.

Nunha rolda de prensa, o alcalde, Abel Caballero, fixo un balance positivo do orzamento aprobado, e lembrou que “se conxelan” as taxas municipais para o ano que vén e haberá exencións fiscais por valor de 17 millóns de euros. “Son uns bos orzamentos, con débeda cero, e mantéñennos nunha situación económica boa na cidade”, proclamou.

Pola súa banda, o concelleiro de Facenda, Jaime Aneiros, destacou na sesión plenaria os máis de 40 millóns de euros que se destinarán a investimentos, ou as partidas de Benestar Social, con 22 millóns de euros, de maneira que a dotación económica para este tipo de políticas incrementouse “en máis dun 350 % desde 2007”.

Ante as críticas da oposición, que pediron unhas contas participativas e cuestionaron o nivel de execución orzamentaria, Jaime Aneiros lamentou que PP, Marea de Vigo e BNG “están preocupados na construción do relato”, ignorando as boas cifras da actividade turística, comercial ou os servizos públicos de calidade. “Viven nunha cidade distinta”, ironizou.

ÚLTIMAS

O PPdeG anuncia a “reconstrución” do partido en Vigo “coas mans libres” dos militantes

A xunta xestora do PP de Vigo, presidida por Ana Ortiz, presentouse este mércores formalmente...

Seis adultos e tres nenos quedan atrapados no ascensor Halo, inaugurado o pasado 16 de febrero

Nove persoas, seis adultos e tres nenos, quedáronse atrapados no ascensor Halo de Vigo,...

Capitanía Marítima inspeccionou 723 buques en 2023 e emitiu case 2.000 certificados de navegabilidade

Capitanía Marítima de Vigo inspeccionou o pasado ano un total de 723 buques e...

Buscan un home que convivía cunha muller nunha pensión da rúa Fragoso pola súa posible relación co crime da maleta

A Policía Nacional busca a un home que conviviu cunha muller nun piso de aluguer por...