O delegado da Zona Franca, David Regades, acompañado polo secretario xeral do Consorcio, Santiago López-Guerra e do Director de Obras, José Ramón Torres, visitou este luns o Centro Comercial A Laxe.
Na roda de prensa posterior á visita, o delegado anunciou un estudo para a mellora e modernización das instalacións, cuxa reforma ascenderá a un millón de euros e que servirá, entre outras cousas, para darlle maior luminosidade ao Centro. Hai que engadir que está prevista a construción dun casino.
David Regades aproveitou a súa visita para saudar e agradecer aos comerciantes a súa presenza no Centro Comercial, poñéndose “á súa disposición para todo o que estimasen oportuno”.
O delegado expresou a súa aposta por “dinamizar o comercio local e por chegar a acordos de colaboración coa Asociación de Comerciantes do Casco Vello”: “Queremos que, desde A Laxe, se reforce o comercio local, a gastronomía e a restauración desta zona tan importante da cidade como é o Casco Vello, xa que A Laxe é unha prolongación máis do Casco Vello a través do seu pasarela“, manifestou.
Regades anunciou tamén que, no mes de setembro, o Consorcio aprobará o proxecto de reforma que transformará o robotizado nun aparcamiento convencional cunha capacidade para 180 coches.
