InicioSucesosQuedan en liberdade os cinco detidos na desarticulación dunha rede de prostitución

Quedan en liberdade os cinco detidos na desarticulación dunha rede de prostitución

Non pasaron aínda a disposición xudicial.

PUBLICADO O

As cinco persoas que foran detidas na desarticulación dunha rede de prostitución en Vigo quedaron en liberdade este venres en dependencias policiais, xa que non chegaron a pasar a disposición xudicial, segundo confirman a Europa Press fontes do Tribunal Superior de Xustiza de Galicia (TSXG).

En concreto, estes cinco individuos –tres homes e dúas mulleres– foran apresados o xoves nun operativo da Policía Nacional contra unha rede dedicada á explotación sexual que funcionaba en dous chalés e un spa da cidade olívica.

A investigación deste caso, que leva o Xulgado de Instrución número 3 de Vigo, arrincou por mor dunha denuncia anónima presentada ante os servizos centrais de Estranxeiría, que puxo o caso en coñecemento da Comisaría.

Isto, sumado ás distintas intervencións de unidades policiais ao longo deste ano e a declaración de dúas mulleres estranxeiras, puxo o cerco a dous chalés situados en Vigo e un establecemento de spa da rúa Pizarro.

Os investigadores pescudaron que unha parella de nacionalidade española estaba á fronte dos establecementos, que operaban ao amparo dunha armazón de sociedades dedicado á explotación de mulleres de varias nacionalidades para a prostitución.

Ademais, nos locais tamén se distribuían drogas, un negocio que controlaban os explotadores. As pescudas concluíron cos rexistros das vivendas e do spa, onde se interviñeron sustancias estupefacientes (cocaína e fármacos), máis de 8.000 euros en efectivo, múltiples recibos de pago, libros de contabilidade, TPVs e documentación das mulleres explotadas sexualmente.

Segundo a Policía, un dos cinco detidos é taxista e dedicábase ao traslado das mulleres fóra dos inmobles para realizar servizos de carácter sexual. Tamén se encargaba do control das explotadas cando saían das casas e portaba as drogas para este tipo de servizos, que aparecían anotados nos libros de contabilidade como “saídas”.

ÚLTIMAS

Gonzalo Caballero proposto polo PSOE de Vigo como candidato galego ás europeas

A asemblea do Partido Socialista de Vigo propuxo ao que fora secretario xeral do PSdeG, Gonzalo Caballero,...

Claudio Giráldez renova como adestrador do Celta ata xuño de 2025

O adestrador galego Claudio Giráldez renovou este xoves o seu contrato como técnico do RC...

Atraso de 40 minutos na liña A Coruña-Vigo por un conato de incendio nun coche do tren

Un conato de incendio declarado entre dous coches dun tren que cobre a liña...

Vigo supera de novo os 300.000 habitantes, “de longo a maior cidade de Galicia”

O alcalde de Vigo, Abel Caballero, anunciou que a cidade volveu a superar os 300.000 habitantes...