Axentes da Policía Local de Vigo detiveron a un veciño da cidade, G.S.R., de 24 anos de idade e nado en Brasil, como presunto autor dun delito de violencia machista, tras agredir á súa parella e sacala polos pelos dunha discoteca.

Segundo informaron fontes policiais, unha dotación do 092 atopábase patrullando pola rúa Concepción Arenal cando foi requirida por un grupo de persoas, entre as que se atopaba a muller presuntamente agredida.

As testemuñas indicaron aos policías onde se atopaba o agresor e este, ao decatarse da presenza dos axentes, emprendeu a fuxida, aínda que foi finalmente interceptado.

Segundo o relato da vítima, o sospeitoso e ela atopábanse no interior dunha discoteca cando comezaron a discutir e el agarrouna polos pelos, zarandeándoa e sacándoa do local a rastro. As testemuñas corrobaron o relato da muller, polo que o mozo foi detido.