InicioPolíticaO PP marca como un dos obxectivos de cara ás municipais de...

O PP marca como un dos obxectivos de cara ás municipais de 2023 recuperar o goberno de Vigo

Alfonso Rueda di que tratarán de gobernar, ademais de en Vigo, en Pontevedra, Vilagarcía e na Deputación.

PUBLICADO O

- Advertisement -

Alfonso Rueda optará a revalidar o seu cargo como presidente provincial do Partido Popular en Pontevedra no congreso que se celebrará o próximo 18 de setembro e no que fixará como obxectivo as eleccións municipais do ano 2023,  nas que tratarán de recuperar os gobernos locais de Pontevedra, Vigo e Vilagarcía e a Deputación.

“Non renunciamos a nada”, dixo sobre os 61 concellos da provincia, nun almorzo informativo cos medios de comunicación de Pontevedra, no que estivo acompañado polo presidente local do PP, Rafa Domínguez, e o secretario xeral do partido, José Manuel Cores Tourís.

Rueda asegurou que son “o partido con maior número de concellos e con máis concelleiros”. De face á próxima cita electoral, sinalou que queren “mellorar”. “E a iso ímonos a dedicar para recuperar tamén a Deputación”, sentenciou.

Alfonso Rueda, que é o único candidato a presidir o partido a nivel provincial, destacou o “intenso traballo de renovación” dos populares nos últimos anos e dixo estar orgulloso por conservar o partido unido ademais do traballo na captación de afiliados, máis de 1.500 novos na provincia, o que eleva a máis de 30.000 o número total. A terceira parte dos afiliados do PP son da provincia de Pontevedra.

Por outra banda, avanzou que haberá cambios no equipo que lle acompañará á fronte da executiva provincial. Entre outros, José Manuel Cores Tourís deixará de ser, tras cinco anos no cargo, o secretario xeral do Partido Popular na provincia para dedicarse a “recuperar O Salnés, comarca tradicionalmente do PP” na que, actualmente, só gobernan en dous dos seus nove municipios.

ÚLTIMAS

Un atuneiro dunha empresa viguesa, implicado nun naufraxio cun desaparecido nas Galápagos

O atuneiro 'Ría de Aldán', comprado o ano pasado pola viguesa Wofco, viuse implicado nun accidente...

Restablecen a circulación na ponte de Rande logo dun accidente múltiple que provocou retencións

A circulación na ponte de Rande quedou restablecida despois de algo máis dunha hora...

O AVE Vigo – Porto tardará 50 minutos, pero non se sabe cando estará operativo

Portugal prevé que a conexión en tren de Vigo ao Porto sexa de 50 minutos...

A Xunta intervirá Ambulancias del Atlántico con tres técnicos de Tragsa e xestionará a entrega de nóminas

Os sindicatos CIG, CC.OO. e USO informaron, nun comunicado conxunto, do achegamento de posturas...