InicioSociedadeA Xunta autoriza a mellora de iluminación do Monte da Guía e...

A Xunta autoriza a mellora de iluminación do Monte da Guía e pide completar documentación sobre a ermida

O informe sinala que o Concello deberá presentar un proxecto de sondaxes arqueolóxicas manuais para valorar o subsolo que resultaría afectado nas actuacións.

PUBLICADO O

A Dirección Xeral do Patrimonio Cultural, dependente da Xunta, autorizou o proxecto de mellora da iluminación do Monte da Guía de Vigo e pediu completar a documentación da proposta relativa á ermida.

En concreto, a resolución especifica que para levar a cabo a actuación exposta polo Concello nos tramos de subida ao Monte da Guía “deberá colocarse un modelo único de luminaria” para “homoxeneizar os valores ambientais deste espazo público”. Así, advirte de que outra elección requiriría a remisión dunha nova proposta á Dirección Xeral de Patrimonio Cultural, segundo trasladou a Consellería de Cultura, Educación e Universidade.

Ademais, sinala que, antes do inicio das obras, o Concello deberá presentar un proxecto de sondaxes arqueolóxicas manuais para valorar o subsolo que resultaría afectado nas actuacións. En caso de atoparse algún resto patrimonial, deberase avisar do mesmo ao órgano autonómico competente.

En canto á iluminación monumental da ermida, requírese que o Concello e a Diocese de Tui-Vigo completen a documentación posto que os proxectos de ambas “resultan incongruentes entre si”. Así, apunta que deberá definirse un novo modelo de luminaria para o espazo peonil situado ao redor da ermida e “adaptado aos valores deste espazo público”.

Tamén deberá realizarse unha nova proposta de reposición de materiais de pavimentación, ademais de reformularse a iluminación monumental deseñada para a ermida e achegarse a suficiente documentación para estimar se a intervención desexada “é compatible coa salvaguardia dos valores culturais deste ámbito de actuación”.

ÚLTIMAS

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...

Poñen marcha un servizo de aluguer de bicis eléctricas en Vigo, dispoñibles en sete aparcadoiros da cidade

A compañía Welgood puxo en marcha un servizo de aluguer de bicicletas eléctricas en...