InicioSociedadeAbel Caballero acusa á Xunta de "apropiarse" da ampliación do polígono de...

Abel Caballero acusa á Xunta de “apropiarse” da ampliación do polígono de Balaídos

O alcalde lembra que esa actuación "a fai a Zona Franca".

PUBLICADO O

O alcalde de Vigo, Abel Caballero, acusou este venres á Xunta de Galicia de “apropiarse” das actuacións “dos demais”, en relación coa ampliación do polígono industrial de Balaídos, e lembrou que esa actuación “a fai a Zona Franca e promóvea o Concello”.

Así respondeu o alcalde á conselleira de Medio Ambiente, Anxos Vázquez, que nas últimas horas visitou a cidade e sinalou que a modificación do Plan Sectorial de Ordenación de Áreas Empresariais permitirá, entre outras actuacións, a ampliación dese polígono en máis de 166.000 metros cadrados.

Nunha rolda de prensa, o rexedor afirmou que “a Xunta non fai nada en Vigo e quérese apropiar do que fan os demais”, e afirmou que “é falso” que a administración autonómica vaia a ampliar esa zona empresarial. “Faino Zona Franca e promóveo o Concello, a Xunta dá unha autorización burocrática”, sinalou.

Abel Caballero volveu a denunciar que o goberno galego non construíu “nin un metro cadrado de chan industrial na cidade”. “Afeccionáronse á mentira”, indicou o alcalde, que constatou que a conselleira “enganou” aos xornalistas na súa visita á cidade.

ÚLTIMAS

Condenados a 5 e 4 anos de cárcere os dous acusados de dar unha malleira a dous mozos na rúa Hernán Cortés de Vigo

A sección quinta da Audiencia Provincial de Pontevedra, con sede en Vigo, condenou aos...

Deteñen en Vigo un home por agredir ao seu fillo de 13 anos cun cinto e unha botella de plástico

Un home, P.A.V.S. de 43 anos de idade, foi detido na tarde deste pasado...

Os traballadores de Vitrasa protestan durante o acto da Constitución e Caballero sae escoltado por Policía Nacional

Os traballadores de Vitrasa, concesionaria do bus urbano de Vigo, trasladaron este martes as...

Máis de mil vigueses xa teñen representación no caso do Cártel dos Coches con 40.000 afectados en Galicia

A oficina de Vigo do despacho BGI LAW representa xa a máis de 1.000...