Continúan a ser advertidos pola Policía Local de Vigo condutores ebrios diariamente. Nalgúns casos, incluso hai que sumar que perderan o carné en anteriores ocasións, sendo reincidentes, ou participar en accidentes e infraccións de tráfico.

Deste xeito, a noite deste mércores produciuse un accidente sen feridos entre tres turismos, ás 21.40 na rúa Arenal, e no momento da identificación os axentes da Policía Local comprobaron que unha das condutoras presentaba claros síntomas de atoparse baixo os efectos do consumo de bebidas alcohólicas, tratándose dunha muller de 36 anos de idade.

Tras realizarlle a proba preceptiva de determinación do grado de impregnación alcohólica, esta arroxou un resultado positivo en ambas probas, as cales superaron o limite penal establecido. A condutora foi encartada en dilixencias xudiciais en calidade de investigada por un presunto delito contra a Seguridade Vial.

Tamén deu positivo en alcoholemia o condutor doutro turismo, tras un accidente de tráfico na rúa Julián Estévez. Os feitos ocorreron sobre as 20:35 horas do día de onte, e no momento da identificación os actuantes comprobaron que presentaba de igual modo síntomas de atoparse baixo os efectos do consumo de bebidas alcohólicas.

Tratábase dun varón de 30 anos de idade, o cal tras someterse á proba de alcoholemia, superou o limite penal establecido, polo que foi encartado en dilixencias xudiciais en calidade de investigado por un presunto delito contra a Seguridade Vial.