A Unidade Medioambiental de Intervención Rural da Policía Local de Vigo, tras ser comisionada pola Central, desprazouse á rúa Manuel de Castro onde ao parecer había un bufo no interior do garaxe dun edificio.
O requirente facilitou aos actuantes a entrada ao garaxe e tras iso os Axentes puideron
capturar o ave cos medios dos que dispoñen.
Tratábase dun “moucho de orellas” ( Otus scops ), é unha especie de ave da familia
Strigidae, a rapaz nocturna máis pequena da península Ibérica, con 20 cm de lonxitude, 50 cm de envergadura e 100 g de peso, sendo a femia maior que o macho.
O seu plumaxe é extremadamente críptico, pasando totalmente desapercibido nas ramas das árbores onde vive. Comprobouse que este exemplar estaba en perfecto estado de saúde, polo que se devolveu ao seu hábitat.
