A historia repítese unha vez máis. De novo unha rúa estreita e a media luz, de novo unha multitude de mozos incumprindo as distancias de seguridade e demais recomendacións sanitarias. Esa é a estampa do vídeo gravado na viguesa Rúa Churruca que dende hai unhas horas circula por Twitter, para indignación e crítica dos usuarios.
A escea, rexistrada -segundo a conta que a publica- na madrugada do sábado ao domingo, foi capturada pouco despois de que os locais de ocio nocturno baixaran a persiana de acordo coa normativa impulsada pola Xunta para tentar controlar a expansión da covid.
Tamén en relación coas normas da Xunta, este sábado foi o último -ata novo aviso- no que os locais nocturnos puideron permanecer abertos, xa que a regulación autonómica -xunto co Ministerio de Sanidade- xa decretou o peche de pubs e locais de copas, en vigor dende a madrugada do domingo ó luns. A escea rexistrada en Vigo levantou a indignación dos usuarios da rede social, que emitiron duras críticas contra a conduta dos mozos.
