Afundación, a Obra Social de ABANCA, vén de presentar un novo curso de cociña
infantil na súa Aula de Cociña da Sede Afundación de Vigo (Policarpo Sanz, 26). Así,
durante o mes de xuño impartirase o curso «Verán azul cos pequechefs».
Dirixido a nenos e nenas de entre 8 e 14 anos, será impartido por Vanessa Sende os días 4, 11, 18 e 25 de xuño en horario de 18:00 a 20:00 h. Todas as prazas dispoñibles para participar foron cubertas.
Os asistentes aprenderán a elaborar receitas típicas da dieta mediterránea, ideal para
o verán. Coñecerán produtos saudables e aprenderán a cociñalos, gozando de sabores
e recendos estivais.
Cociñarán «tortisalmón», cítricos azar e chocolate, milanesa de lentellas con xudías e améndoas, pastel mediterráneo con caramelo, paella valenciana, tortiñas de muesli con amorodos, empanadiñas de queixo con espinacas ou milfollas de chocolate e mousse de mango.
