InicioDeportesAbre o prazo de presentación de candidaturas para os premios ao deporte...

Abre o prazo de presentación de candidaturas para os premios ao deporte feminino en Galicia 2017

Os premios serán entregados en Vigo nunha gala organizada pola Deputación Provincial.

PUBLICADO O

A Asociación Mulleres Deportistas Galegas (Mudega) convoca os VI Premios ao Deporte Feminino de Galicia e abre o prazo para a presentación de candidaturas para ás mellores
deportistas, técnicas, entidades, árbitras, equipos e clubs do pasado ano 2017.

Os devanditos premios serán entregados no transcurso dunha gala, que se celebrará en Vigo a finais do mes de xuño, organizada pola Deputación Provincial de Pontevedra. Con este acto preténdese lograr a visibilidade do deporte feminino: lograr que os éxitos do deporte feminino teñan o mesmo recoñecemento que os éxitos masculinos.

O prazo de recepción de candidaturas está aberto dende hoxe 30 de abril ata o próximo 21 de maio e poden ser presentadas por federacións, concellos ou outras institucións, medios de comunicación, clubs e persoas a nivel particular.

Posteriormente estas propostas, que deben ser enviadas ao correo mudega-presidenta@hotmail.com cunha xustificación da candidatura, serán analizadas por un xurado que será o encargado de decidir a quen se le outorgan os premios.

Os trece premios convocados por Mudega, correspondentes ao ano 2017,
son os seguintes: Mellor deportista feminina, Mellor deportista feminina con discapacidade, Mellor deportista feminina promesa, Mellor adestrador/a do deporte feminino, Mellor equipo feminino, Premio á traxectoria, Mellor árbitra ou xuíza, Mellor directiva/o (máis comprometida/o co desenvolvemento do deporte feminino), Mellor club, Medio de comunicación/xornalista amigo do deporte feminino, Institución pública amiga do deporte feminino, Entidade privada máis colaboradora co deporte feminino, e Mellor iniciativa a prol do deporte feminino.

O xurado terá a posibilidade de propoñer candidatos ou premios. Ademais, poderán deixar baleiro algún, no caso de consideren que as candidaturas presentadas non reúnan os requisitos solicitados.

ÚLTIMAS

(Vídeo) Dioivo rompe o escenario no seu novo videoclip: o metal galego en todo o seu esplendor

O dúo vigués de metal en galego Dioivo acaba de lanzar un novo videoclip para o seu...

‘A Homenaxe’ achegará a música do gaiteiro Julio Vázquez Carril e o baile tradicional de Oliva López López a Vigo

O Grupo Etnográfico A Buxaina de Coruxo celebrará, o próximo sábado 23 de marzo,...

A Xunta pide ao Concello de Vigo “axilizar ao máximo” o seu informe sobre a PXOM

A Xunta de Galicia pediu ao Concello de Vigo que "emende os erros detectados"...

O Goberno traslada “tranquilidade” polo crime da maleta que, por agora, non se considera violencia de xénero

O subdelegado do Goberno en Pontevedra, Abel Losada, trasladou este luns unha "mensaxe de tranquilidade" sobre...