Black Horsemen, Nice Boys e Heartbreakers. Son os nomes das tres bandas tributo que este venres achegaron aos máis pequenos da casa o estilo propio de Metallica, Guns and Roses e Led Zepellin respectivamente, nun evento de ‘Rock en familia’, que se está a desenvolver por toda a xeografía española.
Metallica son coñecidos por álbumes como ‘And Justice for All’, ‘Master of Puppets’ ou ‘Metallica’. Concretamente, o seu ‘Master os Puppets’, con cancións tan míticas como a que da nome ao disco, está considerado como un dos mellores (ou directamente o mellor) discos de trash metal da historia da música.
E que dicir dos Guns and Roses, que deixaron un dos discos debut máis vendidos de sempre, o seu ‘Apetite for Destruction’, vendendo só en EE.UU quince millóns de copias. As cancións pagaban a pena: Welcome to the jungle, Paradise City, Sweet Child O`Mine…
Sen esquecernos de Led Zeppelin, con aqueles discos homónimos épicos, o seu ‘Physical Graffiti’, Starway to Heaven como un dos temas máis celebrados da historia do rock, con aquel interminable solo de guitarra…
En conclusión, os nenos e nenas da cidade comezaron esta fin de semana achegándose ao metal e o hard rock como nunca antes, nas instalacións do Auditorio Mar de Vigo.
