“Galicia ten na actualidade 5 autoridades portuarias dependentes dun ente empresarial denominado “Puertos de Estado”, son aqueles estimados polo goberno central de interese xeral, un caixón de xastre que permite ter o control de 5 dos motores económicos de Galicia e que poden situar as nosas empresas no mundo global”, subliñan desde Compromiso por Galicia.

Pero este sistema, para o grupo político, “non é garantía de que a riqueza xerada en cada porto sexa investida na nosa Comunidade, de feito numerosos entes de carácter empresarial teñen pedido a desaparición do ente Postos do Estado. Entrando o beneficio de Galicia nun saldo neto a nivel empresarial no estado e potenciando sinerxías de inversión que non sempre benefician a Galicia”.

Dende CxG entenden que dende a Xunta de Galicia ten que pedirse ó Estado a modificación do Real Decreto 2/2011 e que sexa o goberno na Xunta quen xestione a totalidade de portos galegos, “xa que estas infraestruturas son clave, e hoxe no marco europeo o interese xeral dun estado non ten sentido e a estrutura moi burocratizada dos Portos xera pouca competitividade”.

un “retiro dourado” para os políticos de pp e psoe

“Tampouco estamos a favor da xestión opaca das autoridades portuarias que se converteron nun retiro dourado para políticos de PP e PSOE, cuxa falla de xestión está provocando que as operadoras prefiran Portugal en detrimento de Galicia. E a privatización continua de servizos públicos prestados nos portos”, engaden.

“Por iso imos pedir a Feijoo que reclame ó Goberno que anule o interese xeral, nun marco global e europeo, para ter Galicia competencia. CxG vai a rexistrar unha petición no parlamento de Galicia, neste senso”, selaron.