As decisións do alcalde de Vigo, Abel Caballero, contan con moitos defensores pero tamén algúns detractores. Así, na tarde deste venres apareceron un Dinoseto e un Caballero ‘cabezudo’, nunha xuntanza programa desde a ‘Asamblea por un Vigo máis social’.
Os asistentes cantaban como estribillo principal “pero mira que política máis boa fan en Vigo, pero mira que política máis boa fai o noso amigo, cobran e cobran e volven a cobrar, as tropas deste capitalista liberal”.
Outros versos son “para entrar ao castelo, as escaleiras suben soas, xa non tes que camiñar para pedirlles esmola”. Ata chegaron a criticar o traballo da división GOA (Grupo Operativo de Apoio) da Policía: “Á xente que máis amola a van buscar os da GOA”.
Sen embargo, a niveis económicos e de afluencia de xente, o rexedor vigués apuntouse un tanto co bo funcionamento da ‘campaña’ das luces, que están a encher ata os topes as rúas da cidade.
