InicioSociedadeA solución da UVigo para desviar asteroides ou apagar lumes: os nanosatélites

A solución da UVigo para desviar asteroides ou apagar lumes: os nanosatélites

Chega a 'democratización' do espazo.

PUBLICADO O

A cidade de Vigo vén de celebrar o primeiro congreso de New Space de toda España. A Universidade viguesa posiciónase como un núcleo revolucionario e transgresor das telecomunicacións, como reflectiron estes días os telexornais de TVE

“A redución dos custes de producción revolucionou o sector aeroespacial nos últimos anos. Os nanosatélites (os que pesan menos de 10 quilos) ofrecen servizos como vixilancia, observación terrestre, xeolocalización e comunicacións en alta mar”, subliñan.

A Universidade de Vigo é pioneira no lanzamento destes nanosatélites e vén de reunir a representantes de empresas e grandes corporacións aeroespaciais para falar do negocio fóra da terra.

Todo comezou co Xatcobeo, o primeiro satélite español lanzado en 2012 pola UVigo. Nestes 6 anos enviaron ao espazo 3 satélites para mellorar as comunicacións en misións humanitarias, monitorizar a conca do Amazonas e estudar desvíos de asteroides.

No prazo dun ano lanzarán outros 4, como o LUME-1, xa integrado no lanzador que o porá en órbita o 25 de decembro. O seu obxectivo é mellorar a detección de incendios.

 

“Por exemplo nun parque natural, cando o sensor detecta un lume, a través do satélite comunica coa estación base, envíase un dron para caracterizar o lume, toda a información se envía á estación e decídese a mellor manera de loitar contra o incendio”, explica Guillermo Lamelas, de Alén Space.

Ata hai uns anos, só as grandes axencias e corporacións podían acceder ao espazo. Hoxe en día con 100.00 euros pódese construír un nanosatélite dun quilo. Os expertos falan dunha ‘democratización’ do espazo.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...