O alcalde de Vigo informou este luns da publicación no Diario Oficial de Galicia (DOG) do informe ambiental estratéxico para a modificación do PXOM de 1993 e do Pepri Casco Vello no ámbito de Barrio do Cura.
“Trátase dunha gran noticia”, defende. “Barrio do Cura é unha das zonas máis interesantes da cidade e imos manter a tradición e a arquitectura protexida”, sinalou en referencia a fachada do vello asilo do Paseo de Alfonso XII. Abel Caballero explicou que o proxecto recibiu o visto e prace para ser tramitado cunha avaliación ambiental simplificada.
A superficie edificable será de 56.000 metro cadrados, reservando un 30% do aproveitamento do solo urbano non consolidado a vivenda de protección oficial e un 10% quedará nas mans Concello como solo dotacional. Destinaranse 5.000 m² para espazos libres e zonas verdes, 300 prazas de aparcadoiro e un miradoiro sobre a ría.
Caballero explicou que toda a contorna vai ser reformada, tanto as comunicacións rodadas como as peonís. “Imos continuar a rúa Torrecedeira cara Poboadores, melloraremos a rúa Llorente e Santa Marta, cun novo acceso peonil desde A Ribeira do Berbés ata o Paseo de Alfonso”.
A tramitación poderá completarse nun prazo de entre 10 e 16 meses. “Durante 70 anos o barrio estivo abandonado, en ruína desde hai 40 anos, necesita rehabilitación e suporá un impacto positivo sobre a mobilidade, aportará prazas de aparcadoiro, zonas verdes e novos miradoiros con equipamentos públicos e bloques de edificios”, engadiu.
A aprobación definitiva chegará despois da exposición pública e de sumar as alegacións. Caballero tamén destacou que se vai conservar a fachada da vella capela do asilo porque “é colosal e mentres sexa alcalde no se tira nin unha sola obra de valor arquitectónico”.
humanizacións
Noutra orde de cousas, o goberno vigués encabezado por Abel Caballero presentará no pleno deste mércores unha moción na que insta á Xunta a realizar obras de humanización.
Aseguran ter cambiado por completo a cidade ao actuar sobre 600 rúas e sobre 200 kilómetros. Polo tanto, comparan, “o compromiso coa cidade do alcalde de Vigo non se corresponde co de Núñez Feijóo en aqueles viais e rúas con titularidade da Xunta, en total 9 rúas e 42 kilómetros, discriminando aos cidadáns da cidade que viven en elas. Polo tanto, pedimos 4 millóns de euros para a humaniozación da Av. de Castrelos desde Pereiró, Ricardo Mella, Avenida de Galicia e Carretera de Composancos”.
