Algunhas rúas de Vigo trocaron os seus nomes nos días previos a este 25-N, día internacional contra a violencia ás mulleres. Así o explica o BNG na súa páxina de Facebook: “As compañeiras da Asemblea de Mulleres de Galiza Nova Vigo modificaron o rueiro vigués: en troques de monarcas, papas e militares, reivindicamos a figura de varias mulleres e denunciamos a invisibilización que sofren as mulleres polo mero feito de ser mulleres”.
Polo tanto, ‘nacían’ efimeramente este 23 de novembro a rúa Carmen Corral Aller (actriz), Elisa e Jimena Fernández (primeiras mulleres en estudar nunha universidade galega), Marcela e Elisa (primeiras mulleres que se atreveron a casarse), Carmen López Cotón (preocupada pola educación feminina), ou Virginia Auber Noya (escritora), ou a Praza Elvira Bao.
