O achado de sete cachorros de pouca idade na parroquia viguesa de Candeán puxo en alerta á Asociación Animalista Libera e á Fundación Franz Weber, que lamentan que “o Concello non esté a desenvolver políticas de prevención deste tipo de situacións, ao revés que outras localidades e entes públicos”.
Os animalistas censuran a “despreocupación de toda proposta que ten que ver co benestar animal, desde os proxectos para reconverter o parque zoológico, o desenvolvemento de campañas para desincentivar a compra irresponsable ou a xestión ética de colonias felinas, situación que segue vetada en Vigo”.
Neste sentido, defenden que hai ‘unha diferenza enorme entre Vigo e A Coruña’. A cidade herculina logrou aumentar a adopción de animais do seu centro municipal nun 67% no período 2015-2017, e o goberno coruñés mantén convenios de colaboración con ONG para xestionar e controlar as colonias de gatos e acabou con calquera uso de animais en espectáculos.
Os defensores dos animais sospeitan que “unha vez máis, o proxecto de orzamentos municipais de 2019 non contemplará partida algunha para fomentar a participación cidadá e a implicación contra estas secuelas”.
