InicioSucesosA curiosa historia do mozo barcelonés que pintaba graffitis de amor romántico...

A curiosa historia do mozo barcelonés que pintaba graffitis de amor romántico en Vigo

PUBLICADO O

- Advertisement -

Unha patrulla da Policía Local de Vigo desprazouse á rúa Médico José Mato, á altura do numero 12, debido a que unha persoa estaba a facer grafitis algo antes da unha da mañá deste luns.

Unha vez no lugar, os actuantes observaron como un individuo novo pintaba sobre un muro, quen tras ser identificado resultou ser B.M.A, un home de 23 anos de idade, nacido en Badalona e domiciliado en Barcelona.

Ao ser preguntado o motivo polo que estaba a pintar o muro, este manifestou que pasaba bastante tempo en compañía dunha moza nese lugar, “e quería poñer un pouco de romanticismo con frases bonitas na parede”.

Os actuantes déronlle ata as 06:00 horas do día da data para volver pintar a parede como estaba na súa forma orixinal e no caso de que non fose capaz de facelo procederían á denuncia polos devanditos feitos.

Sobre as 04:40 horas, os axentes volveron pasar polo punto, e observaron que a parede estaba completamente pintada de branco, aínda mellor do que estaba, motivo polo que non procederon á denuncia.

O romanticismo deste mozo puido custarlle caro… mais rectificou a tempo.

ÚLTIMAS

Inspección de Traballo investiga un accidente laboral en Stellantis Vigo no que unha operaria perdeu un pé

A Inspección de Traballo abriu unha investigación para coñecer as circunstancias dun accidente laboral ocorrido...

O adestrador acusado de abusar dunha menor en Vigo alega que as relacións foron consentidas e ela tiña xa 16 anos

O adestrador de fútbol acusado de abusar sexualmente dunha xogadora menor de idade en...

A Xunta di que investiu 375 millóns en Vigo e hai outros 70 “bloqueados” polo goberno local

A delegada da Xunta en Vigo, Ana Ortiz, defendeu este venres que o goberno...

Stellantis reacciona aos aranceis: parará a produción en Canadá e México e recortará 900 empregos en EEUU

O grupo automobilístico Stellantis paralizará a súa produción durante dúas semanas nunha das súas...