Ás 20:32 horas deste luns 12 de novembro unha cidadá escoitou sons no interior dun contedor de residuos orgánicos na rúa Salgueiro n.º 38 (Candeán), polo que deu aviso á Central da Policía Local de Vigo.

Unha patrulla desprazouse ao lugar indicado e puido comprobar que efectivamente dentro do contedor se atopaban sete cachorros de can recentemente nados no interior dunha bolsa de plástico, polo que foron rescatados en bo estado e trasladados posteriormente á protectora de animais.