Se cadra, o rapeiro Tono S. e o presentador Jidrich Sidlo non son personaxes coñecidos por estas latitudes. Pero considéranse ‘influencers’ na República Checa, e veñen de visitar Vigo grazas a ‘LaLiga Santander Experience’, cun tour gastronómico no marco do Celta-Real Madrid.
Ámbolos dous coñeceron, nunha saborosa xornada, os mercados da cidade, e probaron produtos típicos da nosa cociña. Visitaron tamén o restaurante Silabario, na sede do RC Celta.
O de ‘LaLiga Santander Experience’ é un formato ben coñecido, que regresa renovado nunha nova tempada de 18 episodios. Cada capítulo dará protagonismo a humoristas, youtubers, chefs, periodistas, actores e actrices…
