InicioSociedadeO TSXG confirma a sentenza dun xulgado de Vigo que declaraba legal...

O TSXG confirma a sentenza dun xulgado de Vigo que declaraba legal a prórroga do servizo municipal de auga

Abel Caballero celebrou a nova e reivindicou que a sentenza avala o "bo proceder" municipal.

PUBLICADO O

- Advertisement -

O Tribunal Superior de Xustiza de Galicia (TSXG) confirmou a sentenza ditada en 2022 polo Xulgado do Contencioso-Administrativo número 2 de Vigo que avalaba a decisión municipal de prorrogar a concesión do servizo de abastecemento de auga a AqualiaNo fallo, ao que tivo acceso Europa Press, o Alto Tribunal galego rexeitou o recurso de apelación interposto por Viaqua, confirmando a legalidade da prórroga aprobada polo Concello o 30 de decembro de 2020.

A sentenza nega o recurso a esta compañía, que en 1991 concorreu na licitación xunto con Aqualia, saíndo esta última finalmente elixida. “O feito de concorrer á licitación da concesión en 1991, non coloca á apelante nunha situación particular que lle permita soster, máis de 30 anos despois, un interese particular directo e lexítimo que lle reporte un beneficio particular singularizado diferente do que poida ter calquera outra empresa do sector en que a concesión salga a nova licitación”, recolle o TSXG. Por todo iso, o tribunal rexeitou a apelación, aínda que a sentenza non é firme, xa que cabe recurso de casación.

REACCIÓN DO ALCALDE

Ante esta noticia, a reacción do alcalde de Vigo, Abel Caballero, non tardou en chegar. Nun audio gravado e remitido aos medios de comunicación, o rexedor celebrou a decisión xudicial, subliñando que o TSXG avala na súa integridade a sentenza do Contencioso-Administrativo, que recollía que a prórroga ordinaria é “perfectamente lícita e conforme a dereito”.

Caballero reivindicou que a sentenza avala o “bo proceder” municipal, cunha decisión adoptada ao abrigo da literalidade do contrato, xa que o documento o previa. “Unha sentenza absolutamente favorable”, subliñou.

ÚLTIMAS

Un atuneiro dunha empresa viguesa, implicado nun naufraxio cun desaparecido nas Galápagos

O atuneiro 'Ría de Aldán', comprado o ano pasado pola viguesa Wofco, viuse implicado nun accidente...

Restablecen a circulación na ponte de Rande logo dun accidente múltiple que provocou retencións

A circulación na ponte de Rande quedou restablecida despois de algo máis dunha hora...

O AVE Vigo – Porto tardará 50 minutos, pero non se sabe cando estará operativo

Portugal prevé que a conexión en tren de Vigo ao Porto sexa de 50 minutos...

A Xunta intervirá Ambulancias del Atlántico con tres técnicos de Tragsa e xestionará a entrega de nóminas

Os sindicatos CIG, CC.OO. e USO informaron, nun comunicado conxunto, do achegamento de posturas...