InicioSociedadeDenuncian que a Xunta siga negociando con POVISA pese a ilegalidade de...

Denuncian que a Xunta siga negociando con POVISA pese a ilegalidade de non publicar as súas contas no rexistro

PUBLICADO O

- Advertisement -

En Marea insta á Consellería de Sanidade a non ceder “ás chantaxes e usura” da empresa propietaria de Povisa e a garantir que calquera acordo relativo ao hospital vigués se vincule cunha mellora das condicións laborais da súa plantilla.

A deputada Eva Solla denuncia que o goberno galego consinta en continuar negociando sen ter en conta os datos económicos do último exercício. E é que, a pesar do seu deber legal de facelo, e das repetidas denuncias e reclamacións de En Marea ao respecto, a empresa non ten depositado aínda as contas do último exercicio económico no Rexistro Mercantil.

Para En Marea resulta “totamente inasumible que a Consellería de Sanidade estea negociando nestas condicións, e máis cando as contas da empresa non están depositadas aínda no Rexistro Mercantil”, indica Eva Solla, que se pregunta cal é a base sobre a que se están a asentar esas negociacións “cando non existe documentación algunha que acredite as supostas perdas económicas que a empresa atribúe ao hospital”.

Povisa/ Miguel Núñez

En Marea xa ten denunciado no Tribunal de Contabilidade da Auditoría de Contas a situación, e reclama que a administración tome medidas e non ceda ás chantaxes e presións dos responsables de Povisa.

E é que, tal e como destaca Eva Solla, “non é normal que a empresa estea aducindo unha serie de perdas e que as súas contas nin sequera sexan públicas”.

A formación lembra a precaria situación en que se atopa a plantilla do hospital vigués, co convenio colectivo paralizado desde 2010. E insta á Consellería de Sanidade a non ceder “á chantaxe continua que fai a empresa”, e a non consentir ningún acordo que non contemple a mellora das condicións laborais destes profesionais.

Para a deputada a situación actual supón unha auténtica burla aos profesionais de Povisa e á sanidade pública, “que ten que pagar cos seus recortes o mantemento desta empresa privada. Queremos que se presenten esas contas, e esperamos que o Tribunal de Contabilidade actúe para que sexan dunha vez por todas públicas”.

ÚLTIMAS

Stellantis volverá parar parte da súa produción durante dúas quendas por falta de pezas

A fábrica viguesa do grupo automobilístico Stellantis volverá parar parte da súa produción durante a quenda...

Arrinca o festival TAC! de arquitectura coa presentación dunha gran batea en pleno centro de Vigo

A céntrica Porta do Sol de Vigo acolleu este xoves a presentación do pavillón...

Detido por ofertar contratos de traballo falsos a estranxeiros

A Policía Nacional detivo esta semana a un home, dedicado á repartición de mercadorías...

Stellantis Vigo condenada por vulnerar a “liberdade sindical” da CUT

O Tribunal Supremo inadmitiu o recurso de casación presentado por Stellantis Vigo e declarou...