Case o 60% do alumnado da Universidade de Vigo se viu sometido a episodios de acoso na rede social Instagram, pero só o 17% chegou a denuncialo. Así o recolle un estudo elaborado no marco da Cátedra de Feminismos 4.0 Depo-UVigo elaborado pola profesora de Comunicación Audiovisual da UDC Teresa Piñeiro e o profesor de Comunciación da UVigo Luís Xabier Martínez Rolán.
Este equipo traballa agora noutra investigación centrada en profundar en que se esconde detrás destas situacións, para o que organizaron grupos de discusión compostos por 44 estudantes de varios ámbitos, das cales 33 son mulleres.
O obxectivo, segundo recolle un comunicado da UDC, é “coñecer as experiencias e percepcións de toxicidade e violencia dixital” para coñecer como os estereotipos de xénero “poden ter un impacto profundo na autopercepción e autorrepresentación”.
