A ex directora dunha residencia da terceira idade da provincia de Pontevedra foi detida por un presunto delito de estafa ao aproveitarse do delicado estado de saúde dun interno para obter indebidamente diñeiro da súa conta corrente.

A investigación levada a cabo polo Posto Principal da Garda Civil de Baiona-Nigrán, iniciouse a partir da denuncia presentada por un amigo dun dos residentes. O denunciante informou a Garda Civil na súa denuncia que tiña un amigo de 82 anos ingresado nunha residencia da terceira idade e que desde o mes de novembro do ano pasado retiráranlle periodicamente diversas cantidades de diñeiro, que suman un total de 14.380 euros.

Segundo se pudo confirmar, fixéronse 31 reintegros a través de caixeiros automáticos en varias localidades da provincia (Vigo, Nigrán e Tomiño), utilizando o cartón da conta bancaria que este ancián tiña na habitación da residencia.

Ultimamente, esta persoa non só tiña saldo negativo na conta, senón que, debido a esta circunstancia, tamén lle debía varias mensualidades ao centro. Ao coñecer da denuncia e o avanzado estado das investigacións, a directora da residencia, que xa aparecía como principal sospeitosa, optou por devolver a cantidade subtraída á xerencia do centro que lla reingresou integramente na conta do seu propietario.

A presunta autora da estafa foi cesada no cargo e despedida da empresa. Pola súa banda, a Garda Civil procedeu á súa detención por un suposto delito continuado de estafa e deberá comparecer, cando sexa citada, ante o Xogado de Instrución de garda de Vigo.