Axentes da Policía Local de Vigo foron enviados este mércores ás 17:30 horas da tarde ao Paseo do Lagares no seu paso por Sárdoma, onde unha señora de avanzada idade precipitárase ao río.
Unha vez no lugar os actuantes observaron que a muller estaba mergullada na auga ata a altura do peito e un home a auxiliaba suxeitándoa por detrás. A señora, totalmente empapada como resultado da caída, atopábase consciente, presentando un corte á altura do nariz, así como unha ferida no brazo esquerdo á altura do cóbado.
Pouco despois, coa axuda dunha unidade de Bombeiros, subiron á anciá desde o leito do río ata o caniño, desde onde se caeu, sendo unha altura aproximada de catro metros.
Ao lugar desprazouse unha ambulancia medicalizada, onde os facultativos atenderon á afectada das súas feridas e dunha lixeira hipotermia, sendo trasladada pouco despois ao Hospital Álvaro Cunqueiro.
A vítima, de 87 anos de idade, nada e domiciliada en Vigo, manifestou que vive co seu fillo, polo que os axentes procederon á súa localización.
